எறும்புகளும் வெட்டுக்கிளியும்
(சிறுவர் நன்னெறிக் கதைகள்)
குழந்தைகளுக்கான இக்கதை வாழ்க்கையில் உழைப்பும், திட்டமிடுதலும், சேமிப்பும் அவசியம் என வலியுறுத்துகிறது. இளம் வயதிலேயே குழந்தைகள் இதுபோல் நன்னெறிக் கதைகளைக் கேட்டு வளருவதால் நல்ல ஒழுக்கமான பண்புகள் மனதில் பதிவதோடு பெரியவர்களானதும் இவ்வாறே இருக்கவேண்டும் என எண்ணுவர். அது அவர்களின் வாழ்க்கையை மேம்படுத்தி நல்ல மனிதர்களாக உருவாக்கும்.
ஒரு அடர்ந்த காட்டின் அழகான புல்வெளியில் வெட்டுக்கிளியும்
எறும்புகளும் வசித்து வந்தன.
எறும்புகள் எந்நேரமும் உழைத்துக்கொண்டேயிருந்தன தானியங்களை குளிர், மழைக் காலத் தேவைக்காக சேமித்துக்கொண்டிருந்தன.
வெட்டுக்கிளி எறும்புகளை அழைத்து "நீங்கள் ஏன் எந்நேரமும்உழைத்துக்கொண்டே இருக்கின்றீர்கள்?எதிர்காலத்தை நினைத்து வருத்தப்படக்கூடாது.நிகழ்காலத்தை சந்தோஷமாக அனுபவிக்க வேண்டும். என்னைப்போல்இசைத்துக்கொண்டும் பாடிக்கொண்டும் உல்லாசமாய் இருக்கவேண்டியதுதானே?"என்று கிண்டல் செய்தது. அதற்கு எறும்புகள் "இப்போது உணவு சேகரித்தால்தான் குளிர்,மழைக் காலத்தில் பட்டினி கிடக்காமல் சாப்பிட முடியும்" என்றன.
காலம் மாறியது வெயில் காலம் சென்று மழைக்காலமும் வந்தது. எறும்புகள் அதன் இருப்பிடங்களில் ஓய்வெடுத்தன. தாங்கள் வெயில்காலத்தில் சேகரித்த உணவுகளை உண்டு மகிழ்ந்திருந்தன.ஆனால் வெட்டுக்கிளியோ தங்க இடமில்லாமல் மழையில் நனைந்தபடி உண்ண உணவில்லாமல் மிகுந்த சிரமப்பட்டது.
பசியோடிருந்த வெட்டுக்கிளி கடைசியாக எறும்புகளிடம் சென்று உணவு கேட்டது.அப்போது எறும்புகள் கேட்டன."நீதான் வருங்காலத்தை நினைத்து எப்போதும் கவலைப்படமாட்டேன் எனக் கூறினாயே?இப்போது உணர்கிறாயா?வெயில் காலத்தில் உழைத்து உணவும் இருப்பிடமும் சேகரித்து வைத்திருந்தால் இப்போது கஷ்டப்பட வேண்டாம் என்று!" நிறைய தானியங்களைச் சேர்த்து வைத்திருந்த எறும்புகளும் வெட்டுக்கிளிக்கு மறுக்காமல் உணவளித்தன.
எறும்புகளிடம் மன்னிப்பு கேட்டு வருந்திய வெட்டுக்கிளி...கடின உழைப்பும், சேமிக்கும் பழக்கமும், சரியான திட்டமிடுதலும் நம் எதிர்காலத்துக்குத் துணையாயிக்கும் என புரிந்து கொண்டேன். நேரத்தை வீணாக்காமல் நானும் இனிமேல் உழைத்து சேமிப்பேன் என உறுதி பூண்டது.
நீதி: இக்கதை நமக்கு கடின உழைப்பின் மேன்மையையும், திட்டமிடுதலையும், சேமிப்பையும் கற்றுத்தருகிறது.
கருத்துகள் இல்லை:
கருத்துரையிடுக